Энергаэфектыўнасць у школах

Пра праект:

Апісанне

Праблема энергазберажэння становіцца для Беларусі ўсё больш актуальнай. Яе рашэнне ў пэўнай ступені залежыць ад узроўню экалагічнай культуры грамадзян. Праект дэманструе, што навучанне асновам энергаэфектыўнасці можна пачынаць з дзіцячага садка.

Мэты і задачы праекта: На прыкладзе чатырох пілотных устаноў адукацыі ў розных абласцях краіны стварыць дзейсную мадэль навучання асновам энергаэфектыўнасці. У далейшым назапашаны досвед плануецца выкарыстоўваць па ўсёй Беларусі.

Вынікі праекта: У трох абласцях – Мінскай, Гродзенскай і Віцебскай – быў праведзены конкурс праектных ініцыятыў на тэму энергаэфектыўнасці. З 33 устаноў, якія падалі заяўкі, выбраныя чатыры пераможцы: сярэдняя школа № 4 (Дзяржынск), яслі-сад № 6 (Ашмяны), яслі-сад № 45 (Гродна) і Віцебскі дзяржаўны прафесійна-тэхнічны каледж машынабудавання імя М.Ф. Шмырова.

У гэтых установах адукацыі праектам былі ўсталяваны сонечныя калектары, утылізатары цеплыні для падагрэву прытокавага паветра, былi уцепленыя сцены і дах, звычайныя вокны заменены на двухкамерныя шклопакеты. Апроч гэтага, усталявана энергаэфектыўнае асвятленне, на кухнях з'явілася сучаснае энергаэфектыўнае абсталяванне.

1670 выхаванцам чатырох устаноў адукацыі Беларусі вучыцца стала цяплей, святлей і камфортней.

Укаранёныя праектам ва ўстановах адукацыі сучасныя энергаэфектыўныя тэхналогіі дазваляюць скараціць энергаспажыванне ўдвая.

Пасля ўкаранення энергаэфектыўных тэхналогій за 6 месяцаў назіранняў зніжэнне спажывання цеплавой энергіі склала 45% (у сярэднім па ўсіх аб'ектах), зніжэнне спажывання электраэнергіі - 43%, а эканомія грашовых сродкаў склала 158203 рубля (каля € 80 000) (у суме па ўсіх аб'ектах).

Падчас трэнінгаў і семінараў, праведзеных спецыялістамі праекта, педагогі пілотных устаноў пазналі, як даступна расказаць пра складаныя аспекты тэмы энергазахавання.  27 выкладнікаў, якія прайшлі навучанне, сёння ўкараняюць веды па энергазахаванні і энергаэфектыўнасці ў навучальны працэс.

Вынікам трэнінгаў стала падрыхтоўка і выданне вучэбна-метадычнага дапаможніка «Энергаэфектыўная школа: час дзейнічаць!». Матэрыялы падручнiка дапамогуць мясцовым жыхарам ўжываць энергаэфектыўныя практыкі ў сваім штодзённым жыцці.

Рэалізуючы свае праектныя ініцыятывы, педагогі разам з навучэнцамі пілотных устаноў праводзiлi у дзіцячых садках тэматычныя пазнавальныя гульні, ранішнікі, экскурсіі і конкурсы. Такім чынам, колькасць зацікаўленых удзельнікаў праекта з ліку мясцовых жыхароў пастаянна расла.

Своеасаблівай візітнай карткай праекта стала серыя інфармацыйных матэрыялаў “Хуткая энергетычная дапамога”, у якую ўвайшлі кніжкі-размалёўкі, коміксы, настольная гульня, мультфільмы.

Пілотныя аб'екты праекта будуць выступаць у якасці дэманстрацыйных пляцовак па ўкараненні энергаэфектыўных тэхналогій і дэманстрацыі пераваг выкарыстання ўзнаўляльных крыніц энергіі

Кантакты:

Сяргей Нікіцін, кіраўнік праекта

+375 17 396 93 70, +375 29 323 51 96, siarhei.nikitsin@undp.org

Справаздачы аб праекце: http://energybel.by/category/public/bulleten/

Інфармацыйныя бюлетэні праекта: http://energybel.by/category/public/bulleten/

Размалёўкі аб прыгодах “Хуткай энергетычнай дапамогі”:

 Выпуск 1

 Выпуск 2

Сайт праекта: http://energoeffekt.gov.by/

Анімацыйныя відэа аб прыгодах "Хуткай энергетычнай дапамогі":